SINGER: Attwenger

SONG:Rahm

Wea koan rahm ned hod dea kau koan rian
wea koa heisl hod braucht koane dian
Wea koa hemd ned hod dea braucht koan krong
wea nix sogn wü dea braucht nix sogn
Wea koa sensn hod dea kau ned mahn
wea ned daunzn geht braucht si ned drahn
Wea koan grüffü hod dea kau ned schreim
wea fü saufm duad muas efta speim
Wea koa stimm ned hod dea kau ned singa
wea koan foan losst dea kau ned stinga
Wea koa viech ned hod dea kaus ned fuadan
waunst koa rua ned gibst sog des meim bruadan
Wea koane biacha hod dea kau ned lesn
des wos kumma wiad is nu ned gwesn
Wea koa tuba hod dea kau ned blosn
wea auf da ead lieng duad foid ned aufd nosn
Wea ned dreggi is braucht si ned woschn
wea koane zuckal hod dea kau ned noschn
Wea koa auto hod foad midm radl
wea koa bua ned is des is a madl
Wea nix zun essn hod dea hod an hunga
wea ned oid wean duad stiabt oisa junga
Dea wos laungsaum is duad si ned hetzn
wea koa ua ned hod kaus ned fasetzn
Wea koa schof ned hod dea griagt koa lampö
wea a glotzn hod dea braucht koan kampö
Wea koa schwesta hod dea griagt koan schwogan
waun da speg ned fett is nimmst an mogan
Wea koa göd ned hod kau si nix leistn
wos in da zeitung sted des glaum de meistn
Wea koan hund ned hod braucht koane bana
so wia mia zwoa spün a so spüd kana
Waumma weidasingan wiads nu lenga
wia des weideageht des kinz eich denga
Und ia deafz uns glaum das des ois woa is
fum aumfaung bis zum schluss und das jetz goa is!